آجار(لي) Acar(lı) ايشله‌نيلمه‌ميش پارچا. گئييلمه‌ميش تزه پالتار.

آدامجيل قورد Adamcil qurd افسانه لره گوره بعضي آروادلار گئجه‌لر قورد دوْنو گئييب, گوندوزلر آدام اوْلارميشلار.

آدي باتميش Adı batmış عقربي بو آد ايله چاغيرارلار. يوْخسا اوز آدي ايله چاغيريلسا, فوْورن اوْرادا تاپيلار.•

آيليقجي Aylıqıcı پادو, آيليق مواجيب آلان نوکر.

اپبه‌ک ياپان әpbәk yapan خميري (لاواش ياپماق اوچون) اوْنون اوستونه آچيب, تنديره ياپارلار.

ائحتيياطلي Ehtiyatlı شرعي جهتدن نجيس اوْلموش شئي يا يئر.

تاباغ اَرسيني Tabağ әrsini بير طرفي ياستي و دايره‌وي (خمير طاباغين قاشيماق اوچون) بير طرفي چنگک شکلينده ايستي قابلارئ اوْجاق اوسته قوْيوب, گوتورمک اوچون دمير وسيله.

اَروْولاماق әrovlamaq يويولموش پالتاردان صابين کوپويونو, تميز سو ايله يويوب چيخارتماق.

اَروْولو әrovlu صابين سويو ايچينده قالميش (هله سويا چکيلمه‌ميش) يويولموش پالتار.

اَفسه‌مک әfsәmәk باخ: هووسه‌مک. فارسجا بو جاري کردن, دويو يا بوغداني سيني ايچينه توکوب, اوْنلاري بير طرفدن هاوايا آتاراق داش- قوملاريني و توْزونو آريتلاماق.

ايمام آشي imam aşı نذر ائديب, پيشيريلن آش.

اوروسو Urusu قديمده رسم اوْلان کيچيک دليکلري (بعضن رنگلي شوشه‌لي) اوْلان پنجره.

ايش iş کيليم و بئز توْخوماق اوچون دسگاه اوسته يا يئرده چکيلميش ايپ‌لر.

بالدوْن Baldon پالتوْ.

باش يومالي اوْلماق Baş yumalı olmaq آروادلار باره‌سينده غوسل لازيم اوْلماق.

بَره‌ک Bәrәk بئله باغلانيلان شال (قورشاق).

بوخوْو Buxov باخ: بوخاق.

بوخوْو آلتي Buxov altı آرواد بورکلري‌نين, بوخاغين آلتـيندان کئچيريلن باغي, بير نوو گوموش زيينت آلات.

بوخوْولوق Buxovluq آتين ديرناغي‌نين اوستونده اوْلان چوخور قيسمت.

بينه Binә چوغوندور. تورپ.

بولاما Bulama کالا سوت (ايلک سوت- آغيز) سوت ايله قاتـيليب يئييلر.

بولاماش Bulamaş اون و ياغ ايله پيشيريلن بير خوره‌ک. (فارسجا کاچي).

بوْيونا اوشاق دوشمک Boyuna uşaq düşmәk حاميله اوْلماق.

بولگو Bülgü روطوبت‌لي هاوا, باخ: بورکو. (فارسجا شرجي).

بيزوْوبورنو Bizovburnu پيس- پيسايا بنزر بر نوو حشره. باخ: دانا بورون. (فارسجا آبدزدک).

بيستان Bistan تاغ اوسته قاليب اوز- اوزونه قوْپوب دوشن قوْوون. چوْخ شيرين اوْلار.

پازيک Pazik توتون چوپو. بونو نارين دويوب, نازيک پارچادان (تنظيفدن) کئچيره‌رک, چوبوغا دوْلدوروب چکرلر.

پوتلوق Putluq چلله‌ک, حَلَبي, تنيکه قاب يا قوتو.

پئشري‌ائله‌مک Peşәri elәmәk زمي بيچيلندن سوْنرا يئره توکوموش سونبول‌لري ييغماق, باششاقليق ائتمک. «اورمو»دا اوزوم باغي سوْووشاندان سوْنرا قالان کيچيک اوزوم سالخيملاريني درمک. (بو ايشي زمي يا باغ صاحابي يوْخ بلکه يوْخسول عايله‌لر گوره‌رلر).

تلَبه Tәlbә قاوال شکلينده, لاکين دريسي دابباغليق اوْلمايان بير قاب. زير- زيبيل و پئهين کيمي شئي‌لري داشيماق اوچون ايشله‌نيلير.

تَبه‌نه Tәbәnә يوْرغان ايينه‌سي.

توْروم Torum مني, نوطفه.

توْلاز(آتماق) Tolaz(atmaq) اَل آغاجيني اوزاقدان توللاياراق بيرزادي وورماق.

تيخاجاق Tıxacaq کوفله‌ني (يا بير دَليگي) توتماق اوچون دوزلينميش پارچا ييغيمي.

تيخانج Tıxanc سه‌يينگ (سهه‌نگ)-ين يا کوزه‌نين آغزيني تيخماق اوچون توْپ شکلينده توْخونوب, دوزلميش بير شئي. اوْنون بندي کوزه‌نين قولپونا باغلانار.

جاربي Carbı چول سيچاني.

جوْشقون Coşqun گليني آت ايله گتيرنده قاباغينجا آت اوْيناديب, شنليک ائتمک.

جوْلا Cola جوْلفا, بئز و خام (ميتقال) توْخويان شخص.

جين توْرو Cin toru توْر آتان توْرو.( تار عنکبوت).

چاناق Çanaq ساخسي يا چيني کاسا.

چوبوق آلتي (قه‌يلان آلتي) Çubuq altı (qәylan aljd) صوبحانه (عربجه تحت‌القهوه).

چوچه (چيلي بارماق) Çöçә (çili barmaq) کيچيک بارماق.

چلتيک çәltik اوْرتا بارماغين ضربه‌سي ايله بير شئيي آتماق. فارسجا «تَلَنگر»

خام Xam ۱)ميتقال بير نوو پارچا. ۲)باخ: سوزلوک.

خله‌ت Xәlәt کَفَن.

خودوک Xüdük قوصّه, قم.

خير Xır سينيب خيردالانميش داش تيکه‌لري.

خيرليق Xırlıq داغلارين باشيندا تيکه‌لنيب, ياماجلاردا اوست- اوسته يـيغيلان خيرلي يئر.

چاتاجاق Çatacaq چوواللاري مال اوستونده بير- بيرينه چاتماق اوچون ايشله‌نيلن ميله. (معمولن قوْيون قيچي‌نين قلم سوموک‌لريندن ايستيفاده اوْلونار).

دوندرمه Döndәrmә يئکه و ايچي داياز اوْلان سبد. اوزو قويلو قوْيولار آلتيـنا سوت, قاتـيق قوْيارلار. کيچيک جوجه‌لري ده پيشيک‌دن قوْروماق اوچون اوْنون آلتيـنا سالارلار. (مَثَل: جوجه هميشه سبد آلتيـندا قالماز).

دويمک Düymәk يون داراغي ايله تميزلنيب, صافلانميش يون تيکه‌لري.

دويش (دويه‌نج) Döyәş (döyәnc) پالتار يوياندا پالتاري تاپداماق اوچون مخصوص آغاج.

ديل‌باغي Dil bağı زوفاف گئجه‌سي, گلينين دانيشماغي اوچون کوره‌که‌نين اوْنا وئردييگي پول (يا قيزيل و...).

ديله Dilә آشيق اوْيونوندا آرتـيق تاوا دورماق اوچون, سورتولوب, صافلانميش آشيق.

سوتول چاي Sütül çay دم چکمه‌ميش چاي.

سولازيم اوْلماق Sulazim olmaq غوسل واجيب اوْلماق.

سه‌يينگ Sәying بويوک کوزه.

سيرتوْو Sirtov جاکت, کوْت (ائحتيمال کي روسجادان آلينميشدير).

سيريم Sırım اوکوز گونوندن چيخاريلميش نازيک ناوار. - ايپ يئرينه (خوصوصي ايله چاريق قايـيرماقدا).

شولدو Şuldu شئيطان و قئيدسيز (اوْغلان) اوشاغي.

شوْراتان Şoratan ناودان.

فاطما ننه‌نين گئجيمي Fatma nәnәnin gecimi قوْوس قوزح, (فا.رنگين کمان).

قاباق Qabaq آلنـين ايکي قاشين آراسينداکي حيصّه‌سي (قاش- قاباق ساللاماق).

قارتالماق Qartalmaq بيتگي‌لرين  قاليب, قوْجاليب يوْغونلاماسي. اينسان يا حئيوانين قوْجالماسي.

قالاق Qalaq ياپبا يا کرمه‌دن بورج شکلينده اوستونده گومبز کيمي, دوزه‌لينر ايچينه شئي قوْيولوب, يا توْيوق سالينا بيلر.

قولادان Quladan (فا. کلون), قاپيني ايچريدن باغلاماق اوچون آغاجدان دوزه‌لينن قوْل .

قه‌يلان قوش Qәylan quş قارانقوش.

قوْندارا Qondara آروادلار اوچون اوْجا دابان باشماق.

قيپ Qıp زمي‌لرده, بيچيلندن سوْنرا يئره توکولن سونبول‌لر. «قيپا گئدنلر» بونلاري اوزلري اوچون يـيغارلار.

قارغادوزو Qarğaduzu بير نوو آغ, پارلاق داش. گونشين قاباغيندا اوزاقدان پاريلدايار.

قره‌سوْران Qәrәsoran حوکومت طرفيندن يوْللاري قوْروماق اوچون تعيين اوْلونان شخص.

قَندَره‌بات Qәndәrәbat قاچاق و قاداغان اوْلونموش شئي.

قَيله‌داشي Qәylәdaşı شوْران آدلي اوْتون يانديريلماسيندان توره‌نر. اوزومو سبزه‌يه  چئويرمک اوچون اوزومو سيم سبدلرده, قايناماقدا اوْلان قيله داشي قازانينا باتيريب, چيخارديب, قورودارلار.

کَله Kәlә زمي‌لرده يـيغيلان داش تپه‌جييي.

کوزَر Közәr خيرماندا, بعضي بوغدالاري اوستوندن آيريلماميش قالان سونبول‌لر. بونو داش ايله تاپدايـيب بوغدالاريني آيـيرارلار.

گاي Gay آخماق و سفئه آدام.

گوزه Gözә بولاغين گوزو, (سرچشمه).

گونه Gönә دوواخ, گلينين اوزونه سالينان نازيک پارچا.

گوي مينجيق Göy minciq بد نظردن ساخلاماق اوچون اوشاقلارين پالتارينا تيکيلن مينجيق . (فا. خرمهره).

گيليف Gilif دووارين يا يئرين آلتـيندان کئچن سو يوْلو.

موزوره Müzvәrә ناخوْش ياخشي اوْلدوقدا آياغا گلمه‌سي اوچون اوْناوئريلن قووه‌لي خوره‌ک‌لر.

مَنگَنه‌له Mәngәlә بالاجا اوْراق.

مور Mür موريانا.

مونته‌نه Müntәnә آروادلار اوچون پالتارجاکت. (ظاهرن نيم‌تنه‌نين تحريفي‌دير).

ناتره‌ز (ناتره‌س) Natәrәz (natәrәs) خطرلي, سوز قانمايان, يوْلا گلمز آدام. باخ سوزلوک: ناتاراز.

نيس Nis نيگرانليق, قوصّه.

نيفي (نوفو) Nifi(nüfü) ۱)سقف, دامين ايچري طرفي, بعضي يـئرلرده بونا «تئرک» (Terk), تاوان و بغدادي کيمي آدالاردا دئييلر. ۲)سقفين ايچ ياني. داما دوزولموش آغاج‌لار. [نوفوده ايلان دوْلانير].

هفته‌لي پول Hәftәli pul ايجاره‌لر پول, نوزول‌لو پول.

يـئن (يـئنگ) Yen(yeng) پالتارين قوْلو (فا. سر آستين).

يانديق قينديق وئرمه‌ Yandıq qındıq vermә بير آدامين اوره‌ييني يانديرماق اوچون اوْنا پوْز (فوْرس) وئرمک. باخ: ياندي قينديْ